Господи Боже наш, дивный в силех и неизреченный в милостех, иже и усты псалмопевца возвестивый всуе трудитися зиждущим, аще не Ты созиждеши дом, и учеником твоим рекий, яко без мене не можете творити ничесоже! И ныне прими мольбы недостойных раб Твоих о нашем храме Божием, и сам созижди и возобнови и всесильною рукою Твоею.
Побори же и борющия ны и нивочтоже вмени злобы их верныя твоя ограждая, злыя же во благия пременяя благостию Твоею.
Еще же и на вся благодеющая нам делы и словесы великия и богатыя милости Твоя низпосли всещедрым и праведным Твоим воздаянием.
Ей, Господи, услыши нас грешных, молящихся Тебе и во всех делех наших яви всеблагую волю Твою. Прощая нам и вся согрешения наша, молитвами преблагословенной Владычицы нашей Богородицы и Приснодевы Марии, святых славных и всехвальных апостол, преподобных и богоносных отец наших, святителя Николая Мирликийского чудотворца, святаго благоверного князя Александра Невского , святителя и исповедника Николая, митрополита Алмаатинского, всех святых новомучеников и исповедников российских, и всех от века тебе благоугодивших, аминь.
